ماڵپەڕی شەفافییەت ڕایدەگەیەنێت" داھاتی نانەوتی هەفتەیەکی سلێمانی و ھەڵەبجە و ئیدارەکانی گەرمیان و راپەڕین زیاتر لە ھەشت ملیار دینار بووە کە بەراورد بە ھەفتەی رابردوو کەمی کردووە".
ئەمڕۆ هەینی ماڵپەڕی شەفافییەت بڵاویكردەوە" داهاتی هەفتەی ڕابردووی سلێمانی و هەڵەبجە و ئیدارە سەربەخۆكانی گەرمیان و راپەڕین بریتییە لە ٨ ملیار و ٤٤٠ ملیۆن و ٨٧ هەزار و ١٠٢ دینار كە بەشێوەی نەختینە و چەكە".
ئاماژەی بەوەشکردووە، لەو بڕە ٦ ملیار و ٤٦٢ ملیۆن دیناری واتە ٧٧%ی نەختینەیە، هەروەها ١ ملیار و ٩٩٧ ملیۆن دیناری واتە ٢٣%ی بەشێوەی چەكە و بڕی ٦٠ هەزار دیناریشی مەقاسەیە.
داهاتی هەفتەی پێشتووتری سلێمانی زیاتر لە ١١ ملیار دینار بووە کە بەراورد بە ھەفتەی رابردوو بە بڕی ٣ ملیار دینار واتە بەڕێژەی ٢٦.٥% دابەزیووە.