وەزارەتی بازرگانی هەرێم رایدەگەیەنێت لە سبەیەوە ١ تشرینی یەکەم دەست بە دابەشکردنی بڕە خۆراکی هاوڵاتیان دەکرێت.
نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، لە لێدوانێکی رۆژنامەوانیدا رایگەیاند " بڕیارە لە سبەی سێ شەممە دەست بە دابەشكردنی لیست بكرێت و پاشان دەست بە دابەشكردنی بەشەخۆراكی حەوتەم دەكرێت."
لەبارەی بەشەخۆراكی مانگی حەوتەوە، ئەو بەرپرسە ئاشکرای دەکات، لە لیستی خۆراكدا ماش زیاد بووە، بەڵام جارێ نەگەیشتووەتە كۆگاكان.