گەشتەکانی فڕۆکەخانەی نێودەوڵەتی هەولێر کە بەهۆی هێرشەکانی ئێران بۆسەر ئیسرائیل داخرابوو، دەستیان پێکردەوە.
ئەمڕۆ پێنج شەممە ٣ی تشرینی یەکەمی ٢٠٢٤ ، گەشتە ئاسمانییەکانی نێوان هەولێر و وڵاتان دەستیان پێکردەوە .
لەمبارەوە ئەحمەد وشیار، بەڕێوەبەری فڕۆکەخانەی نێودەوڵەتیی هەولێررایگەیاند" ئێستا فڕۆکەخانەی نێودەوڵەتی هەولێر لەگەڵ دەستەی فڕۆکەوانی عێراق سەرقاڵی ڕێکخستنەوەی گەشتی فڕۆکەکانن، ئەوانەی گەشتەکانیان بەپاش کەوتوون یان بە پێش کەوتوون، و گەشتە ئاسمانییەکان ئاسایی بوونەتەوە. "
ئێوارەی ڕۆژی سێشەممە، ١ی تشرینی یەکەمی ٢٠٢٤ ، گەشتی ئاسمانیی فڕۆکەخانەکانی عێراق و هەرێمی کوردستان بەهۆی هێرشە مووشەکییەکەی ئێران بۆ سەر ئیسرائیل و ئەگەری تەشەنە سەندنی گرژییەکان، ڕاگیران.