لە هەولێر لە ناوچەی پیشەسازی خەبات بەهۆی تانکەرێکی سووتەمەنییەوە ئاگرێک كەوتۆتەوەو بەهۆیەوە دوو كرێكار گیانیان لەدەستداوەو، دوو كرێكاری دیكەش بەسەختی بریندار بوون.
بەپێی زانیارییەکانی " سپی " دوای گیان لە دەستدانی دوو کرێکارەکە، بریندارەكان بۆ مەبەستی چارەسەری پزیشكی رەوانەی شاری هەولێر كراون.
دوای کەوتنەوەی ئاگرەکە ، تیمەكانی ئاگركوژێنەوە گەیشتنە شوێنی رووداوەكە و توانیان ئاگرەكە كۆنتڕۆڵ بكەن بۆ ئەوەی تەشەنە نەكات و زیان بە شوێنەكانی دیكە نەگەیەنێت.
لێكۆڵینەوە لەبارەی هۆكاری كەوتنەوەی ئاگرەکەو کۆی رووداوەكەوە دەستی پێ كردووە.