وەزیری خوێندنی باڵا و توێژینەوەی زانستی فەرمانی بەگرێبەستکردنی وانەبێژانی وەزارەتەکەی واژۆ کرد.
ئەمڕۆ دووشەممە، وەزارەتی خوێندنی باڵا ڕایگەیاند" د. ئارام محمد قادر وەزیری خوێندنی باڵا و توێژینەوەی زانستی فەرمانی بە گرێبەستکردنی مامۆستایانی وانەبێژی واژۆکرد کە ژمارەیان چوار هەزار و ١٠٤ وانەبێژی سەر بە دامەزراوەکانی وەزارەتی خوێندنی باڵا و تویژینەوەی زانستییە لە هەرێمی کوردستان".
ئەوەشی خستەڕوو کە ئێستا وەزارەتی خوێندنی باڵا لە هەماهەنگیدایە لەگەڵ وەزارەتی دارایی بۆ راییکردنی کاروبارەکان و ئەنجامدانی پرۆسەی بایۆمەتری.
هەفتەی ڕابردوو ئومێد سەباح، سەرۆکی دیوانی ئەنجومەنی وەزیران ڕایگەیاند ئەنجومەنی وەزیران بڕیاری بە گرێبەستکردنی وانەبێژانی سەر بە وەزارەتی خوێندنی باڵای پەسەندکردووە.