ئەمڕۆ شەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی ئاسمان بەگشتی پەڵە هەور و نیمچە هەور دەبێت".
بەپێی پێشبینییەکانی کەشناسی هەرێم، ئەمڕۆ ئاسمان نیمچە هەور و هەوری تەواو دەبێت، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (١٠ - ٢٠)کم دەبێت و مەودای بینین (٨ - ١٠)کم دەبێت.
ئەوەشی خستەڕوو، سبەینێ یەکشەممە ئاسمان لە نێوان پەڵە هەور و نیمچە هەوردا دەبێت، هەروەها پلەکانی گەرما نزیکدەبنەوە لە تۆمارکراوەکانی ئەمڕۆ، خێرای باش (١٠ - ٢٠)کم دەبێت و مەودای بینین (٨ - ١٠)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٥
سلێمانی: ٣٢
دهۆک: ٣٣
زاخۆ: ٣٤
هەڵەبجە: ٣٥
کەرکوک: ٣٧
سۆران: ٣٤
حاجی ئۆمەران: ٢٤
گەرمیان: ٣٨