بڕیارە عێراق ٤٥ ملیار دیناری دیکەی پارەی گەنمی جوتیاران بۆ هەرێم بنێرێت و لە سبەینێوە ڕێکاری وەرگرتنی پارەکە دەست پێدەکرێت.
نەسرین ئەحمەد، بەڕێوەبەری سایلۆکانی سلێمانی و هەڵەبجە، لە لێدوانێکی رۆژنامەوانیدا رایگەیاند" حکومەتی عێراق بڕیاری خەرجکردنی ٤٥ ملیار دیناری دیکەی پارەی گەنمی جوتیارانی هەرێمی کوردستانی داوە کە ٢٠ ملیاری بۆ سلێمانی و هەڵەبجە، ١٥ ملیاری بۆ هەولێر و ١٠ ملیاریشی بۆ جوتیارانی پارێزگای دهۆکە".
وتیشی" سبەی رێکارەکانی وەرگرتنی پارەکە دەست پێدەکەن و ئەگەر گرفت دروست نەبێت، لە ماوەی سێ ڕۆژدا پارەکە وەردەگرن و دواتر بەسەر جوتیاراندا دابەشی دەکەن".
جەختی لەوەشکردەوە کە لەدوای ناردنی ئەم پارەیە، جوتیارانی سنوری سلێمانی و هەڵەبجە بڕی ١١٠ ملیار دیناریان لە پارەی گەنمی ئەمساڵ دەمێنێت وەری بگرن