پێنج بەندکراوی سیاسی ژن لە بەندیخانەی ئێڤین، بەهۆی ناڕەزایەتی دەربڕینی بەندکراوانی ژنی ئەو بەندیخانەیە سەبارەت بە جێبەجێکردنی سزای سێدارەی ڕەزا ڕەسایی، سزای ٢٧ مانگ و یەک ڕۆژ بەندکردنیان بەسەردا سەپێندرا.
بەپێی هەواڵێکی ڕێکخراوی مافی مرۆڤی هەنگاو، هەریەک لە پەخشان عەزیزی، وریشە مورادی، نێرگز محەمەدی، مەحبووبە ڕەزایی و پەریوەش موسلیمی کە پێنج بەندکراوی سیاسین لەلایەن دادگای تاوانەکانی دووی دەزگای دادوەری قودسی تاران لە دۆسیەیەکی هاوبەشدا بە تۆمەتی "تێکهەڵچوون لەگەڵ گاردی بەندیخانە و سەرپێچیکردن" سزای ٢٧ مانگ زیندانیکردنیان بەسەردا سەپێندراوە.
ئاماژەی بەوەشکردووە، بەپێی ئەو سزایە پەخشان عەزیزی بەندکراوی سیاسی مەحکوم بە سێدارە، وریشە مورادی بەندکراوی سیاسی، نێرگز محەمەدی و مەحبووبە ڕەزایی هەر یەک سزای شەش مانگ بەندکردن، و پەریوەش موسلیمی سزای سێ مانگ و یەک ڕۆژ بەندکردن و سەرجەم سزای ٢٧ مانگ و یەک ڕۆژ بەندکردنیان بەسەردا سەپێندراوە.