سەرۆکی گشتیی مەهەپە دەڵێت"هەڕەشەیەک لەسەر مێژووی هاوبەشی هەزاران ساڵەی کورد و تورک هەیە".
دەولەت باخچەلی - سەرۆکی مەهەپە لە میانی بەشداریکردنی لە سەدساڵەی یادی "سیمپۆزمی زیا گیۆکاڵپ" ڕایگەیاند" ئێستا هەڕەشەیەکی هاوبەش لەسەر مێژووی هاوبەشی هەزاران ساڵەی نێوان کورد و تورک هەیە".
جەختیشیکردەوە" لە ڕوی ئایینی و سیاسییشەوە لەسەر تورک و کورد فەرزە یەکتریان خۆش بوێت، هەر تورکێک کوردی خۆش نەوێت تورک نییە، هەر کوردێکیش تورکی خۆش نەوێت کورد نییە، ئەمڕۆ تورک و کورد لە بەرامبەر هەڕەشە هاوبەشەکانی بەردەمیاندان و تەنها بە پێداگیرییەکی هاوبەش، دەتوانن لەو هەڕەشانە ڕزگاریان بێت".
سەرۆکی مەهەپە ئاماژەی بەوە دا کە هێشتا مەیلی دابەشکاری وەک ئەوەی لە ڕێککەوتننامەی سیڤەردا هاتووە کۆتایی پێ نەهاتووە و راشیگەیاند "شەڕی دابەشکاری و فراوانخوازی ئیمپڕیالیزیم بەردەوامە".
باخچەلی هەروەها ئاماژەی بە هێرشی سەر کۆمپانیای هاوبەشی پیشەسازی بۆشایی ئاسمان و بۆشایی ئاسمانی تورکیا (توساش) کرد و بانگەشەی ئەوەی کرد هێرشەکە دەریخست کە پەکەکە و یەپەگە "دوژمنی تورک و کوردن."