سەبارەت بە پێشهاتەکانی هەڵبژاردنی پەرلەمان ئەمڕۆ دووشەممە
سەرکردەی دوو حزبی ئیسلامی لە سلێمانی کۆبوونەوە.
ئێوارەی ئەمڕۆ دووشەممە ٢٨ی تشرینی یەکەم سەڵاحەدین بەهائەدین ئەمینداری گشتی یەكگرتووی ئیسلامی كوردستان و عەلی باپیر سەرۆكی كۆمەڵی دادگەری كوردستان کۆبوونەوە.
لە دیدارەكەدا بارودۆخی ناوخۆ و عێراق و شەڕی غەززە و دەرئەنجامەكانی هەڵبژاردنی پەرلەمانی كوردستان گفتوگۆی لە بارەیەوە كرا.
هەروەها لە سەرەتادا هەردوولا هاورابوون كە بارودۆخ و رەوشی ناوچەكە لە گۆرانكاری خێرادایە و دەبێت بەرپرسیارانە برواننە دۆخەكە.
بەپێی راگەیەندراوی نوسینگەی ئەمینداری گشتی یەكگرتوو، لە بەشێكی تری دیدارەكەدا پرسی ئەنجامدانی هەڵبژاردنی پەرلەمانی كوردستان و دەرئەنجامەكانی گفتوگۆی پێویست لە بارەیەوە كرا.