ئەمڕۆ چوارشەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ لە پارێزگاى سلێمانى و ئیدارەى گەرمیان ئەگەرى نمە باران".
بەپێی پێشبینییەکانی کەشناسی هەرێم، ئەمڕۆ بەگشتی ئاسمان لە نێوان ساماڵ و پەڵە هەور دەبێت و هەندێکجار دەگۆڕێت بۆ نیمچە هەور، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (٥ - ١٥)کم دەبێت، مەودای بینین (٨ - ١٠)کم دەبێت.
ئەوەشی خستەڕوو، سبەینێ پێنج شەممە ئاسمان نیمچە هەور دەبێت، بەڵام لە دواىنیوەڕۆ و ئێوارە لە پارێزگاى سلێمانى و بەشێک لە ئیدارەى گەرمیان ئەگەرى کەمێک نمە باران دەبێت لە هەندێکاتدا، هەروەها پلەکانی گەرما بەجێگری دەمێننەوە، خێرای باش (٥ - ١٥)کم دەبێت، مەودای بینین (٨ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٢٦
سلێمانی: ٢٥
دهۆک: ٢٦
زاخۆ: ٢٦
هەڵەبجە: ٢٥
کەرکوک: ٢٦
سۆران: ٢٣
حاجی ئۆمەران: ١٤
گەرمیان: ٢٧