عەبدوڵا مەلانوری پەرلەمانتاری پێشوو لە پشکی گوڕان، لە پۆستێکدا کە زیاتر رووی دەمی لە وەزیر و بەرپرسانەی گۆڕانە کە لە حکومەتدان، نووسیوێتی" هەر بەپرسێکی گۆڕان چاوەڕێی قبوڵکردنی دەستلەکارکێشانەوە بکات ئاوا جێگای گومانە".
دەقی نووسینەکەی عەبدوڵا مەلانووری :
سەبارەت بە دەستلەکارکێشانەوە!
لە هەڵوێستی سیاسیدا، هیچ پۆستێکی سیاسی پێویستی بە قبوڵکردنی دەستلەکارکێشانەوە نییە…
پلەی جێگری سەرۆکی هەرێم، وەزیرەکان، پارێزگاری سلێمانی، ئەمانە پلەو پۆستی سیاسین.
وە قیادەی ئەو بزوتنەوەیە بڕیار و هەڵوێستی سیاسی ئەوەیە لە حکومەتی سلێمانی و هەولێر بکشێتەوە.
لە گەڵ رێزمدا؛ هەر بەپرسێکی گۆڕان چاوەڕێی قبوڵکردنی دەستلەکارکێشانەوەی لە بەرپرسانی پارتی و یەکێتی بکات، پاساو چاوەڕوانیەکەی جێگای گومانە!
هەندێک لەوانە بە ویستی پارتی و یەکێتی دەمێننەوە و بە کار دەهێنرێن بۆ دروستکردنی کێشەی زیاتر بۆ بزوتنەوەکەیان…