وەزارەتی سامانە سروشتییەکان ئەمڕۆ پێنجشەممە ٣١ی تشرینی یەکەم لە ڕاگەیەنراوێکدا بڵاویکردەوە" لە سەرەتای مانگی تشرینی یەکەمی ئەمساڵ، ڕێگری لە گەیاندنی نەوتی رەش بۆ وێستگەی بەرهەمهێنانی ٥١ مێگاوات کارەبای تاسڵوجە و وێستگەی بەرهەمهێنانی ٢٩ مێگاوات کارەبای سلێمانی دەکرێت. نەوتەکە لە هەولێرەوە بۆ هەردوو وێستگەکە دەنێردرێت و کارەبای بەرهەمهاتووە دەچێتە ناو تۆڕی کارەبای هەرێم و بەسەر هاوڵاتیان دابەش دەکرێت".

ئاماژە بۆ ئەوەش دەکات"هەوڵێکی زۆری بۆ چارەسەرکردنی ئەم کێشەیە داوە، بەڵام تا ئێستا وەک خۆی ماوەتەوە و چارەسەر نەکراوە و هەردوو وێستگەکە به قەبارەی ٨٠ مێگاوات کارەبا لەکار کەوتوون و زیانی گەورەی بە بەرهەمهێنانی کارەبا گەیاندووە".

وەزارەتی سامانە سروشتییەکان داواش دەکات داواكارین به زووترین كات رێگا بە گواستنەوەی سوتەمەنی له بازگەكان بدرێت، تاكو ئەم دوو ویستگەیه جارێکی تر بەگەڕ بخرێنەوە.