پێشنیوەڕۆی ئەمڕۆ هەینی بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەی شەو کاریگەری بارانبارین زیاد دەکات و تەواوی ناوچەکانی هەرێم دەگرێتەوە".
بەپێی پێشبینییەکانی کەشناسی هەرێم، ئەمڕۆ بەگشتی ئاسمان نیمچە هەور بۆ هەوری تەواو دەبێت، ئەگەری بارینی کەمێک نمە باران هەیە لە ناوچە شاخاوییەکان و ناوچەکانی سنووری پارێزگای سێمانی، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (١٠ - ٢٠)کم دەبێت، مەودای بینین (٧ - ٩)کم دەبێت.
ئەوەشی خستەڕوو، سبەینێ شەممە ئاسمان هەوری تەواو دەبێت، لەگەڵ بارینی نمە باران و بارانی مامناوەند لە کات و ناوچەی جیاجیادا، بەڵام لە کاتەکانی ئێوارەدا بڕی دابارین کەمێک زیاتر دەبێت بە تایبەت لە سنووری پارێزگای سلێمانی، پاشان لە شەودا کاریگەری ئەو شەپۆلە زیاد دەکات و باران بارین تەواوی ناوچەکانی هەرێمی کوردستان دەگرێتەوە، هەروەها پلەکانی گەرما (١ تا ٢) پلە نزمدەبنەوە، خێرای باش (١٠ - ٢٠)کم دەبێت، مەودای بینین (٧ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٢٢
سلێمانی: ٢١
دهۆک: ٢٣
زاخۆ: ٢٣
هەڵەبجە: ٢١
کەرکوک: ٢٣
سۆران: ٢٠
حاجی ئۆمەران: ١٠
گەرمیان: ٢٣