ژمارهی تووشبووانی نەخۆشی سكچوون و رشانهوه له قەزای شارهزوور گەیشتە سەروو دوو هەزار نەخۆش كه زۆربهیان پێکهاتوون لە ژن و منداڵ.
ماوەی سێ ڕۆژە نەخۆشی سکچوون و ڕشانەوە لە سنووری قەزای شارەزوور بڵاوبووەتەوە کە زۆرینەی تووشبووەکان ژن و منداڵان.
بەپێی ئامارەکان، تا ئێستا ٢ هەزار و ٥٠٠ کەس تووشی پەتاکە بوون و رەوانەی نەخۆشخانە کراون کە بەراورد بە ٤٨ کاتژمێری ڕابردوو ئامارەکە بۆ هەزار و ٣٠٠ کەسی دیکە بەرزبووەتەوە، لە کاتێکدا لە دوو رۆژی رابردوودا هەزار و ٢٠٠ کەس تووشی نەخۆشییەکە ببوون.
دوێنێش رزگار غەفور قائیمقامی شارەزوور، سەبارەت بە هۆکاری سەرەکی بڵاوبوونەوەی پەتاکە ئاماژەی بەوەکرد، لە لێکۆڵینەوە سەرەتاییەکان دەرکەوتووە کە هۆکاری تووشبوون بە سکچوون و رشانەوە، بۆ پیسبوونی ئاوی سنوورەکە دەگەڕێتەوە.