ئەندامێكی لیژنەی دارایی لە پەرلەمانی عێراق جەخت لەوەدەکاتەوە کە لە ئاییندەیەكی نزیكدا بەغداد مووچەی مانگی ١٠ دەنێرێت و لە هەوڵدان كە مووچەی مانگەكانی ١١ و ١٢ خەرجبكرێت.
د. نەرمین مەعروف، ئەندامی لیژنەی دارایی لە پەرلەمانی عێراق لە دیدارێكی تەلەفزیۆنیدا رایگەیاند" بەپێی بڕیاری دادگای فیدراڵیی عێراق پێویستە بەغداد مووچەی مووچەخۆرانی هەرێمی كوردستان بنێرێت و چاوەڕواندەكرێت لە ئاییندەیەكی نزیكدا مووچەی مانگی ١٠ی مووچەخۆرانی هەرێم بنێردرێت".
ئەو ئەندامەی لیژنەی دارایی وتیشی" لە هەوڵەكانمان بەردەوامدەبین كە مووچەی مانگەكانی ١١ و ١٢ خەرجبكرێت".
لای خۆشییەوە ئەمشەو وتەبێژی حکوومەتی هەرێمی کوردستان، ئاماژەی بەوە کرد، ئەگەری زۆرە هەفتەی داهاتوو مووچەی مانگی ١٠ بنێردرێت.