ئەمڕۆ پێنج شەممە هەندێ میدیا بڵاویانکردەوە گردی مامەیارەی شاری سلێمانی کە گۆڕی پیرەمێردی شاعیری گەورەی کوردی تێدایە و شوێنێکی مێژووی و ڕۆشنبیری و نەتەوەییە، دەکرێت بە پڕۆژەی نیشتەجێبوون و بازرگانی، بەڵام شارەوانی سلێمانی لە ڕوونکردنەوەیەکدا کە بۆ ماڵپەڕی (سپی) ناردووە، دەڵێت" لە کاتێکدا زۆرینەی هاوڵاتییانی شاری سلێمانی بۆ ساڵیادی (٢٤٠) ساڵەی مێژووی شارەکە خەریکی دەربڕینی خۆشیی، یادکردنەوە و بەرزڕاگرتنی ئەم بۆنە پڕشکۆیەن، جێگای نیگەرانییە هەندێک هەواڵی بێ بنەما و ناڕاست سەبارەت بە سمبولێکی شارە دێرین و خۆشەویستەکەمان سلێمانیی و (گردی مامەیارە) بڵاوکراوەتەوە". 

شارەوانیی سلێمانی: دەنگۆی بەکارهێنانی گردی مامەیارە بۆ پڕۆژە دوورە لەڕاستییەوە

لەکاتێکدا زۆرینەی هاوڵاتییانی شاری سلێمانی بۆ ساڵیادی (٢٤٠) ساڵەی مێژووی شارەکە خەریکی دەربڕینی خۆشیی، یادکردنەوە و بەرزڕاگرتنی ئەم بۆنە پڕشکۆیەن، جێگای نیگەرانییە هەندێک هەواڵی بێ بنەما و ناڕاست سەبارەت بە سمبولێکی شارە دێرین و خۆشەویستەکەمان سلێمانیی و (گردی مامەیارە) بڵاوکراوەتەوە.

بڵاوکردنەوەی ئەم دەنگۆیە لەم ڕۆژەدا هێمایەکە بۆ دەرخستنی ناخی ئەو ناحەزانەی چاویان هەڵنایە بە مێژووی دێرینی ئەم شارە و خەڵکەکەیی و سمبولەکانی.

لێرەوە بۆ هەموو لایەکی ڕادەگەیەنین، سەرلەبەری ئەو دەنگۆیانەی کە لە هەندێک پەیجی نافەڕمیی و سێبەر بڵاوکراوەتەوە ناڕاستن، وە ڕەتیدەکەینەوە کە گردی (مامەیارە) و غاباتەکەی بۆ مەبەستی پڕۆژەی بازرگانیی و تایبەت بەکاربهێندرێت، وە دڵنیایی دەدەین بە دانیشتووانی شارە خۆشەویستەکەمان بڵاوکردنەوەی ئەو دەنگۆیە لەم ڕۆژە و لەم بۆنەیەدا تەنها ئامانجی ناحەزانە بۆ تێکدانی مێژووی ئەو شارەی کە بووە بە پێشەنگی پارێزگاکانی دیکەی عێراق لەزۆرینەی بوار و سێکتەرەکاندا (سەرۆکایەتی شارەوانی سلێمانی)  بە خزمەت كردنی زیاتر ی ڕۆژ بەڕۆژ  وەڵامی ئەو چەواشەكارییانە دەداتەوە

سەرۆکایەتیی شارەوانیی سلێمانی

١٤\١١\٢٠٢٤