شەوی ڕابردوو لە گەڕەکی ماڵتا لە سەنتەری شاری دهۆک شەڕ لە نێوان دوو کەسدا ڕوویدا و کەسێک بە چەقۆ کوژرا
بەپێ زانیارییەکانی سپی ئەو دوو کەسە هاورێ و کورخالەتی یەکتربوون پێکەوە دانیشتبوون، سەرەتا دەمەقاڵە لە نێوانیاندا دروستبووە و دواتر شەڕ لە نێوانیان دروستبووە.
هەردوولا بە چەقۆ یەکتر بڕیندارکردوو یەکێکیان بەسەختی بڕینداربووە و لە شوێنی رووداوەکە گیانی لە دەستداوە و ئەویتر بەسوکی برینداربووە.
بە گوێرەی زانیارییەکانی سپی ئەو کەسەی ژیانی لەدەستدا گەنجێکی تەمەن ٢٦ ساڵ بوو.
هێزە ئەمنییەکان گەیشتوونەتە شوێنی ڕووداوەکە و تەرمی کوژراوەکە گواستراوەتەوە بۆ فەرمانگەی پزیشکی داد دهۆک.