ئەمڕۆ یەکشەممە ١٧ی تشرینی دووەمی ٢٠٢٤ دژی سەپاندنی قەیوم بەسەر شارەوانییەکاندا، لە باکوری کوردستان گردبوونەوەیەکی جەماوەری بەڕێوەدەچێت.
ئەمڕۆ گردبوونەوەیەکی جەماوەری لە ژێر ناونیشانی (دیموکراسی و ئازادی) لە شاری ئیلحی باکوری کوردستان سازدەکرێت.
لە گردبوونەوەکەدا کوردانی ناوچەکانی دیکە و هاوسەرۆک و پەرلەمانتار و هاوسەرۆکانی شارەوانی دەمپارتی بەشدارن و دانانی قەیوم لە شارەوانییەکاندا ڕەتدەکەنەوە.
سەرەتایی ئەم مانگە لەسەر فەرمانی وەزارەتی ناوخۆی تورکیا هەریەک لە سەرۆک شارەوانییەکانی مێردین و ئیلح و خەلفەتی، لادران و قەیوم لە جێگەیان دانران.