بەرێوەبەرایەتی گشتی کەشناسی هەرێم پێشبینی دەکات لە مڕۆوە دوو شەممە بارانبارین دەستپێبکات و بەفریش لە ناوچە شاخاویەکان ببارێت.

لە بارەی کەشی پێشبینیکراوی ئەمڕۆ دوو شەممە بەم شێوەیەیە: 

کەش، ئاسمان لەنێوان نیمچە هەور و هەوری تەواو دەبێت لەگەڵ بارینی نمە باران لەناوچە شاخاوییەکانی پارێزگای دهۆک، لەکاتەکانی شەودا کاریگەری درێژدەبێتەوە بۆ هەندێ لەناوچەکانی ئیدارەی سەربەخۆی سۆران و ناوچە شاخاوییەکان بەتایبەتی ناوچە سنوورییەکان لەگەل کەمێک بەفر بارین لەم ناوچانە، وەهەروەها پێشبینی تاوە باران و بروسکەی کەم مەودا بۆ هەندێ لەناوچەکانی باشووری شاری سلێمانی و ئیدارەی سەربەخۆی گەرمیان دەکرێ.
 

کەش، ناسەقامگیری ئاسمان بەردەوامی دەبێ بەشێوەی نمە بارانی کەم لەناوچە شاخاوییە سنوورییەکانی رۆژهەڵات و پارێزگای هەڵەبجە، پاشان کاریگەری بەلاوازی لەناوچە جیاجیاکانی هەرێم بەشێوەی نمە بارانی پچرپچر دەمێنێتەوە.

پلەکانی گەرما، بەگشتی نزم دەبێتەوە بە رادەی (٣ – ٤) پلە بەراوورد بە تۆمارکراوەکانی ئەمڕۆ.