بە وتەی یاریدەدەری سەرۆکی ئۆپراسیۆنی سەرژمێری لە هەرێم زیاتر لە ٥٠%ی خێزانەکانی سلێمانی لە پرۆسەی سەرژمێری تۆمارکراون".
ئەمڕۆ پێنج شەممە شوان جەبار یاریدەدەری سەرۆکی ئۆپراسیۆنی سەرژمێری لە هەرێم رایگەیاند" لە رۆژی یەکەمی قەدەغەی هاتوچۆ زیاتر لە ٥٠%ی خێزانەکانی سلێمانی لە پرۆسەی سەرژمێری تۆمارکراون".
ئاماژەی بەوەشدا، ئەمڕۆش پرۆسەکە بەردەوامە و رێژەکە بەرزتردەبێتەوە سوپاسی هێزە ئەمنییەکان و دەزگا پەیوەندیدارەکان دەکەینەوە کە سەردانیان کردووین و هەر هاوکارییەکمان پێویست بووبێت ئامادەیی خۆیان دەربڕیوە.
قەدەغەی هاتووچۆ لە سەرجەم پارێزگاکانی عێراق و هەرێمی کوردستان لە بەرەبەیانی دوێنێ چوارشەممەوە کەوتە بواری جێبەجێکردنەوە، ئەمەش لە چوارچێوەی ئامادەکارییەکان بۆ سەرژمێری گشتی دانیشتوان کە تا کۆتایی ئەمڕۆ پێنجشەممە بەڕێوەدەچێت.