بەڕێوەبەرایەتی گشتی ئاسایشی سلێمانی رایگەیاند، گروپێکی مەترسیداریان دەستگیرکردووە، یەکێک لە کارەکانیان رفاندن و پارەسەندن بووە لە بازرگانەکان.
ئاسایشی سلێمانی ئەمڕۆ یەکشەممە ٢٤ی تشرینی دووەم لە ڕاگەیەنراوێکدا بڵاویکردەوە، بەڕێوەبەرایەتی گشتی ئۆپراسیۆنەکانی ئاسایش، گرووپێکی مەترسیداری چەکداری داعش(ویلایەتی کوردستان) هەڵوەشاندەوە و تۆڵەی شەهیدانی (قەرەداغ و ناوشوان)دەکاتەوە.
ئەوەشی راگەیاندووە، لەپێناو دەستگیرکردنی ئەندامانی گرووپی تیرۆریستی داعش و هەڵوەشاندنەوەی (وویلایەتی کوردستان)چەندین ئۆپراسیۆنیان ئەنجامداوە لە شار و شارۆچکە جیاوازەکانی هەرێمی کوردستان.
پیلانی چەکدارانی داعش لە ویلایەتی کوردستان
-بەستنەوەی پەیوەندی شانە نووستووەکانی داعش لە کوردستان و عێراق لەگەڵ تیرۆریستان لە ووڵاتانی تورکیا و ئێران.-جموجۆڵی بەردەوامیان لە ناوچەکە هەبێت .
-دانانی بازگەی کاتی بە جلوبەرگی سەربازی.-رفاندنی بازرگانان بۆ کۆکردنەوەی پارە و ناردنی بۆ رێکخراوی تیرۆریستی داعش.
-کردنە ئامانجی دەزگا ئەمنییەکان و بەرپرسی حکومی و حزبی و هاوڵاتیان و بازگە و سەربازگەکان