ئەمڕۆ پێنج شەممە ٥ی کانوونی یەکەمی ٢٠٢٤ لە زانكۆی پۆلیتەكنیكی سلێمانی دوو خوێندکار دەبێتە شەڕیان و تا ئێستە پێنج کەس بریندارن.
بەپێی زانیارییەکانی پەیامنێری ماڵپەڕی (سپی)، کەمێک پێش ئێستا لەناو کافتریای زانکۆی پۆلیتەکنیکی سلێمانی، ڕووداوێکی شەڕکردن و دەمەقاڵێ لە نێوان ڕوویداوە، بەڵام دواتر لە دەرەوەی کافتریاکە هەردوولا براکانی خۆیان بانگکردووە و گرژی و ئاڵۆزییەكە زیاتر دەبێت.
هەر بەپێی زانیارییەکان، لە کاتی شەڕەکەدا چەكوش و چەقۆ و داریان بەکار هێناوە، لە ئەنجامدا پێنج کەس برینداربوون.
لە ئێستادا هێزە ئەمنییەکان گەیشتوونەتە شوێنی ڕووداوەکە و بریندارەکانیان بۆ نەخۆشخانەی فریاکەوتنی سلێمانی گواستووەتەوە و پەڕاوی لێکۆڵینەوە بۆ ڕووداوەکە کراوەتەوە.
تائێستا هۆکاری سەرەکی ڕووداوەکە نەزانراوە و لایە پەیوەندیدارەکانیش هیچ ڕوونکردنەوەیەکی فەرمیان بڵاونەکردووەتەوە.
بۆ بنینی ڤیدیۆکە تێلیگرامی سپی جۆین بکە..