ئۆتۆمبێلێک لە کەلار وەرگەڕا، کە بەهۆیەوە دووکەس گیانیان لەدەستدا و ٨ کەسی دیکەش برینداربوون، هاوكات بەهۆی ماتۆڕسكیلەوە دوو كەس بریندار بوون.
نەخۆشخانەی فریاكەوتنی شەهید هەژار لە كەلار بڵاویكردەوە، ئێوارەی ئەمڕۆ لە ڕووداوی سەختی هاتووچۆدا ١٠ كەس بریندار بوون و دەستیان بە چارەسەریان كردووە.
لای خۆیەوە، ڕزگار لەتیف، بەڕێوەبەری نەخۆشخانەی شەهید ھەژار لە کەلار وتویەتی،" ئەمڕۆ نزیکی کاتژمێر ٥ی ئێوارە ئۆتۆمبێلێکی جۆری تۆیۆتا کۆرۆلا لە گەڕەکی بەردەسووری کەلار، وەرگەڕا و بەهۆیەوە دوو کەس گیانیان لەدەستداوە و ٨ کەسی دیکەش بریندارن، كە دۆخی هەندێكیان خراپە".
ئاشكراشی كردووە،" هەر ئێوارەی ئەمڕۆ دوو گەنجیش گەیەندرانە نەخۆشخانە، کە بە ماتۆڕسکیل تووشی ڕووداوی هاتووچۆ ببوون، هەردووکیان دۆخی تەندروستیان ناجێگیرە و لەژێر چاودێریی چڕی پزیشکییدان".