حکومەتی عێراق بڕیاریدا بە خەرجکردنی بڕی ١٢٥ ملیار دینار، بەمەبەستی دابینکردنی شایستە داراییەکانی جوتیارانی هەرێم.
وەزارەتی بازرگانی و پیشەسازی هەرێم، ئەمڕۆ شەممە بڵاویکردەوە" حکومەتی عێراق ئەمڕۆ دوایین گوژمەی پارەی جوتیارانی هەرێم خەرجدەکات کە بڕەکەی ١٢٥ ملیار و ٨٥٢ ملیۆن و ٩٩٧ هەزار دینارە".
ئاماژەی بەوەشکردووە، لەگەڵ گەیشتنی پارەکە، دەستدەکرێت بە جێبەجێکردنی ڕێککارەکان.
ئەوەشی خستەڕوو، لەو بڕە پارەیە بۆ جوتیارانی سلێمانی بڕی ٤٧ ملیار و ٦٤٢ ملیۆن و ٤٢١ هەزار دینار تەرخاندەکرێت و بۆ هەولێر ٤٤ ملیار و ٤٥ ملیۆن و ٤٣ هەزار دینار و پارەى جوتیارانى دهۆکیش ٣٤ ملیار و ١٦٥ ملیۆن و ٥٤٣ هەزار دینارە.