پەڕلەمانتارێک لە پەرلەمانی عێراق ئاشکرای دەکات کە ماددەی ١٢ی تایبەت بەهەناردەکردنی نەوتی هەرێم لە یاسای بودجەی سێ ساڵیدا هەموار دەکرێتەوە و ئەم هەنگاوە ئەرێنی دەبێت ڕێگە خۆشدەکات بۆ دەرکردنی یاسای نەوت و گاز.
ئەمرۆ پێنج شەممە ٢٦ی کانونی یەکەمی ٢٠٢٤ فیراس موسلیماوی پەڕلەمانتاری هاوپەیمانی دەوڵەتی یاسا لە پەرلەمانی عێراق رایگەیاند" لە ئەنجامی لەیەکگەیشتنی حکومەتی عێراق و حکومەتی هەرێم، ماددەی ١٢ی تایبەت بەهەناردەکردنی نەوتی هەرێم لە یاسای بودجەی سێ ساڵیدا هەموار دەکرێتەوە".
بە وتەی ئەم پەرلەمانتارە هەموارکردنەکە لەخولی داهاتوی یاساداناندا بەبێ کێشە تێدەپەڕێت .
موسلیماوی ئاماژەی بەوەشداوە کە ئەم هەنگاوە ئەرێنی دەبێت ڕێگە خۆشدەکات بۆ دەرکردنی یاسای نەوت و گاز ورێگە بە فیدراڵی دەدات بۆ یەکەمجار کۆنترۆڵی هەناردەی نەوتی هەرێم بکات.