دەسەڵاتی نوێی سوریا خۆپیشاندان و گردبونەوە و هەر جۆرە ناڕەزایەتییەکی لە سوریا قەدەغە کرد و ڕایدەگەیەنێت، تا پێکهێنانی حکومەتی نوێ، ئەم بڕیارە جێبەجێدەکرێت..
لە بەیننامەیەکدا بە ناوی سەرکردایەتیی گشتیی سوریا، قەدەغەکردنی گردبونەوەی جەماوەریی و خۆپیشاندانی ڕاگەیاند و ئاماژە بۆ ئەوە دەکات، لەپێناو سەقامگیری و ئاشتیدا، ئەو بڕیارەیان داوە.
لەبەشیکی تری بەیاننامەکەدا هاتووە: تا پێکهێنانی حکومەتی نوێ، هەموو گردبونەوەیەکی جەماوەریی بە نایاسایی لەقەڵەم دەدرێت و ڕێکاری توندی لە دژ دەگیرێتەبەر.
ئەمەش لە کاتێکدایە چەند رۆژێکە خۆپیشاندان و ناڕەزایەتی مەسیحییەکان و عەلەوییەکان لە دیمەشق و تەرتوس و لازقییە دژی دەسەڵاتدارانی نوێی سوریا بەڕێوە دەچێت و ژمارەیەک کوژراو و برینداری لێکەوتەوە...