کەشناسی هەرێم ڕەوشی کەشوهەوای ئەمڕۆ و سبەینێ دووشەممەی بڵاوکردەوە و ئەو شوێنانەشی ئاشکراکرد کە ئەمڕۆ نمەباران و بەفری لێدەبارێت.
بەپێی ڕاپۆرتی کەشناسی هەرێم، ئەمڕۆ یەکشەممە، ئاسمان پەڵە هەور بۆ نیمچە هەور دەبێت لە هەندێ ناوچە هەوری تەواو دەبێت لەگەڵ بارینی کەمێک نمە باران لە ناوچە شاخاویەکانی باکور و بەفرێکی کەم لەسەر لوتکەی شاخە بەرزەکان.
ئەوەشی وتووە، پلەکانی گەرما نزیک دەبێت لە تۆمارکراوەکانی دوێنێ.
کەشناسی هەرێم ئەوەشی باسکردووە، سبەینێ دووشەممە ئاسمان پەڵە هەور و نیمچە هەور دەبێت، پلەکانی گەرما بەرز دەبێتەوە بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر: ١٦ پلەی سیلیزی
سلێمانی: ١٧ پلەی سیلیزی
دهۆک: ١٧ پلەی سیلیزی
کەرکوک: ١٨ پلەی سیلیزی
هەڵەبجە: ١٤ پلەی سیلیزی
زاخۆ: ١٥ پلەی سیلیزی
حاجی ئۆمەران: ٧ پلەی سیلیزی
سۆران: ١٤ پلەی سیلیزی
گەرمیان: ١٩ پلەی سیلیزی