نوسەری دیاری کورد، کەماڵ غەمبار ئەمڕۆ ٣٠ ی کانوونی یەکەمی ٢٠٢٤ کۆچیی دوایی کرد.
کەماڵ غەمبار کە لە دایکبووی ١٩٣٧ ی شاری کۆیەیە ئەمرۆ لە تەمەنی ٨٧ ساڵیدا کۆچی دوایی کرد و لەسەر وەسیەتی خۆی لە کۆیە دەنێژرێت.
کەمال غەمبار، پەروەدەكار و نووسەر و وەرگێڕ و ڕەخنەگرێکی ئەدەبیی ناودارە، قۆناغەکانی خوێندنی لە هەولێر تەواو کردووە و پاشان بەشی زمانی عەرەبیی کۆلێژی پەروەردەی زانکۆی بەغدای تەواو کردووە.
دەیان ساڵ لە خوارووی عێراق و پاشان لە قوتابخانە ناوەندی و دواناوەندی و ئامادەیییەکانی هەولێر و پەیمانگەی مەڵبەندی مامۆستایان، مامۆستا بووە.
سەرەتای نووسینی دەگەڕێتەوە بۆ ساڵی ١٩٥٠ لەو دەمەدا لە گۆڤاری گەلاوێژ یەکەم نووسینی بڵاوکردۆتەوە.