وەزارەتی دارایی و ئابووریی هەرێمی کوردستان خشتەی مووچەی مانگی تشرینی دوەمی فەرمانبەرانی هەرێمی کوردستانی بڵاوکردەوە و لە رۆژی یەکشەممەوە دابەشکردنی مووچە دەستپێدەکات و رۆژی چوارشەممە کۆتایی دێت.
بەگوێرەی راگەیەنراوی وەزارەتی دارایی و ئابوری هەرێمی کوردستان ڕۆژی یەکشەممە خانەنشینانی سەربازی و مەدەنی و خاوەنپێداویستییە تایبەتەکان و زیندانیانی سیاسی وەک یەکەمین توێژەکان مووچە وەردەگرن.
بە گوێرەی خشتەی دابەشکردنی مووچە ڕۆژی دوشەممە هەشت دەستە و دامەزراوە و وەزارەتەکانی کار و شەهیدان و تەندروستی و دارایی مووچە وەردەگرن.
هەروەها ڕۆژی سێشەممە ١٠ وەزارەت لەوانەش وەزارەتی، پەروەردە، ناوخۆ، داد، ئەنجومەنی دادوەری، ئەوقاف، بازرگانی و پیشەسازی، سامانە سروشتیەکان، گواستنەوە و گەیاندن، کشتوکال و سەرچاوەکانی ئاو، شارەوانی و گەشتوگوزار و پلاندانان و ئەنجومەنی دادوەری مووچە وەردەگرن.
لە درێژەی دابەشکردنی مووچەشدا ڕۆژی چوارشەممە سەرجەم دامەزراوە ئەمنییەکان و هەر سێ سەرۆکایەتییەکە و وەزارەتەکانی ڕۆشنبیری و ئاوەدانکردنەوە و کارەبا و خوێندنی باڵا مووچە وەردەگرن.