بەیانی ئەمڕۆ چوارشەممە ١٥ی کانوونی دووەمی ٢٠٢٥ کە هاوکاتە لەگەڵ یەکەم ڕۆژی چلەی زستان بەڕێوەبەرایەتی گشتی کەشناسی و بوومەلەرزەی هەرێم ڕەوشی کەشوهەوای بڵاوکردەوە و دەڵێت" ئەمڕۆ ئاسمان ساماڵ و پەڵە هەور دەبێت".
بەپێی پێشبینییەکانی کەشناسی هەرێم، ئەمڕۆ بەگشتی ئاسمان ساماڵ و پەڵە هەور دەبێت، هاوکات پلەکانی گەرما بەرزتردەبنەوە بەراورد بە تۆمارکراوەکانی دوێنێ، خێرای باش (٥ - ١٥)کم دەبێت، مەودای بینین (٨ - ٩)کم دەبێت.
ئەوەشی خستەڕوو، سبەینێ پێنج شەممە ئاسمان ساماڵ و پەڵە هەور دەبێت، بەڵام لە ناوچە شاخاوییەکان نیمچە هەور دەبێت، هەروەها پلەکانی گەرما دادەبەزن بەراورد بە تۆمارکراوەکانی دوێنێ و خێرای باش (٥ - ١٥)کم دەبێت، مەودای بینین (٨ - ١٠)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ١٧
سلێمانی: ١٤
دهۆک: ١٤
زاخۆ: ١٦
هەڵەبجە: ١٤
کەرکوک: ١٨
حاجی ئۆمەران: ٢
گەرمیان: ١٩