لە وتارێکدا بەناو نیشانی " دەستوری توركیا، دەستورێك بۆ پاكتاوی نەژادی !"کە بۆ ماڵپەڕی " سپی " ناردووە، د. شۆڕش حەسەن، پرۆفیسۆر و پسپۆری بواری یاسای دەستوری دەڵێت " دیباجەی دەستوری توركیای ساڵی 1982ی هەمواركراو 22 دێرە، بەڵام زیاتر لە (13) جار جەخت لەسەر نەتەوەی تورك ونیشتمانی تورك وئەتاتورك دەكاو بەشێوازی جیاواز دوبارەی دەكاتەوە، وەك(نیشتمانی تورك، نەتەوەی تورك، ئەتاتورك وپرنسیپەكانی، بەرژەوەندی نیشتمانی تورك، هەبوونی تورك، میژوو و رەوشتی تورك، هاووڵاتی تورك، هاوڵاتیە توركەكان، كور وكچانی تورك، وە یەكپارچەیی نیشتمانی تورك ودابەش نەبوونی)، ئەمە لەكاتێكدا دەستوری زۆربەی دەوڵەتانی دنیا ناوی نەتەوە ناهێنن و تەنیا ناوی گەلی وڵاتەكە بەكار دێنن، وەك دەستوری (ئەمریكی، فەرەنسی، ئەڵمانی، هیندی، یابانی، رووسی، میسری، ئوردنی، عێراقی..هتد).