هەسەدە ڕایگەیاند، دوای زیاتر لە مانگێک هێرش و بۆردومانەکانی تورکیا و گروپە چەکدارە هاوپەیمانەکانی بۆ ڕۆژئاوای کوردستان تا ئێستا نەیتوانیوە هیچ پێشکەوتنێک بەدەست بێنت، ناسنامەی هەشت شەهیدیشی ڕاگەیاند.
هێزەکانی سوریای دیموکرات ناسراو بە هەسەدە دڕایگەیاند، دوای مانگێک زیاتر لە هێرش و پەلامارەکانی تورکیا بۆ سەر ناوچەکانی باکور و ڕۆژهەڵاتی سوریا و بەنداوی تشرین، هیچ پێشکەوتنێکیان لەسەر زەوی بەدەست نەهێناوە و ڕۆژانە بە دەیان چەکداری ئەو گروپانە دەکوژرێن و بریندار دەبن.
لە ڕاگەیاندراوەکەی هەسەدە هاتوە، سەرەڕای درەندیی هێرشەکانی فڕۆکەی جەنگی و فڕۆکەی بێفڕۆکەوانی تورکیا، بەڵام شەرڤانان سەرسوڕهێنەرترین چیرۆکی مێژو دەنوسنەوە و گیانفیدایی دەکەن و وڵامی هێرشەکان دەدەنەوە.
هەسەدە ئاماژەی بەوەشکرد، لە ئەنجامی ئەو هێرشانە هەشت شەرڤانیان لە کات و شوێنی جیاوازادا شەهید بون و تا تێکشکاندنی هێرشەکان و پاراستنی ئاسایش و سەقامگیری ناوچەکە لە بەرخۆدان بەردەوام دەبن.