سەرۆکی پارتی نەتەوەپەرستی تورکیا دەڵێت" کاتی ئەوە هاتووە پەکەکە چەک دابنێت، ئەگەر ئەو کارە نەکەن، چەکەکانیان لەسەریاندا دەشکێنین".
دەوڵەت باخچەلی، سەرۆکی پارتی نەتەوەپەرستی تورکیا (مەهەپە) لە پەرلەمانی تورکیا وتارێکی پێشکەشکرد و داوا دەكات كە پارتی كرێكارانی كوردستان (پەکەکە) بەویستی خۆیان چەک دابنێن و پەشیمانی دەرببڕن.
دەوڵەت باخچەلی وتیشی" تورکیا هەمو نەتەوە جیاوازەکانی لەخۆ گرتوە کورد، تورک، عەلەوی و سوننە كە لقی هەمان رەگن و رۆڵەی هەمان گەلن كە تەبا و بران".
سەرۆکی پارتی نەتەوەپەرستی تورکیا ئاماژەی بۆ ئەوشكرد،" پێویستە بەزوترین كات پەكەكە بڕیار بدەن، چونكە پرۆسەی چەکدانانیان زۆر دواکەوتوە ئەگەر ئەو کارە نەکەن، چەکەکانیان لەسەریاندا دەشکێنن لەناویان دەبەن".