هەپەگە ڕایگەیاند، لە وڵامی شەهیدکردنی ئەو دو هاوسەری لە هەفتەی ڕابردو لە قەزای ئاکرێ شەهید بون، چوار هیرشیان لە دژی تورکیا لە چیای گابار ئەنجام داوە.
هیزەکانی پاراستنی گەل ناسراو بە هەپەگە، ڕاگەیاندراوێکی بڵاوکردەوە و تێێدا هاتوە، ڕۆژی ٢٧ی مانگی ڕابردوە دو هاوسەر کە خەڵکی شهێ سەر بە قەزای ئاکرێ و ئەندامی عەشیرەتی زێباری بون، لەلایەن دەرگای هەواڵگیر میت و دەزگای پاراستن بە ئەنقەست کراونەتە ئامانج و بەو هۆیەشەوە شەهید بون.
هەپەگە ئاماژەی بەوەکرد، بۆ وڵامدانەوەی ئەو کۆمەڵکوژیە، رۆژی ٣٠ مانگی ڕابردو لەلایەن هێزەکانیان چوار جار بە فڕۆکە هێرشیان کردوەتەوە سەر بارەگاکانی تورکیا لە چیای گابار، سەر بە پارێزگای شرنەخ لە باکوری کوردستان و چەند بیرە نەوتێک.
هەپەگە لە ڕاگەیاندراوەکەیدا باسی لەوەکردوە، ئەو چالاکیە بە مەبەستی ئاگادار کردنەوە ئەنجامدراوە و جەختی لەوە کردەوە، لەمە بەدواوە هەر هاوڵاتیەک بکرێتە ئامانج، لەلایەن هێزەکانی بەرگی ئاسمانییەوە، بە هەمان شێوە وڵامیان دەدەینەوە.