هەسەدە کوژرانی ژمارەیەک چەکدار و برینداربونی پێنج سەربازی تورکیای لەماوەی 24 کاتژمێردا راگەیاند، ناسنامەی هەشت شەرڤانی شەهیدیشی ڕاگەیاند.
هیزەکانی سوریای دیموکرات- هەسەدە رایگەیاند، هێزەکانیان لە میحوەری پردی قەرەقۆزاق ژمارەیەک چەکدار کوشتوە و پێنج سەربازی تورکیاشیان بریندار کردوە هەروەها ئۆتۆمبێلیکی گروپە چەکدارەکانیشیان تێکشکاندوە.
لە ڕاگەیەنراوەکەدا هاتوە، فڕۆکە جەنگییەکانی تورکیا بەردەوامن لە بۆردومانکردنی دەوروبەری بەنداوی تشرین و چەندین گوندی دەوروبەری پردی قەرە قۆزاق لە باشوری کۆبانێ و چەند ناوچەیەکی دیکە، بەوهۆیەشەوە زیانی زۆری ماددی بەر موڵک و ماڵی هاوڵاتیان کەوتوە.
هەسەدە لە ڕاگەیاندراوێکی دیکەدا، ناسنامەی هەشت شەڕڤانی ئاشکرا کرد کە لە نێوان ٢١ی کانونی یەکەمی ساڵی ڕابردو تاکو ٧ی شوبات شەهید بون.