پەرلەمانتارێکی دەم پارتی داوا دەکات گەلانی تورکیا، ڕۆڵیان لە پڕۆسەی چارەسەرییدا هەبێت، دەشڵێت"ئەو پەیامەشی عەبدوڵڵا ئۆجەلان بڵاوی دەکاتەوە، کاریگەریی لەسەر ڕۆژهەڵاتی ناوەڕاست دەبێت".
عومەر ئۆجەلان، پەرلەمانتاری دەمپارتی و برازای عەبدوڵڵا ئۆجەلان، بە ڕۆژنامەی یەنی یاشامی ڕاگەیاندوە"پڕۆسەی ئاشتیی پڕۆسەیەکە دەبێت هەموان ڕۆڵیان تیایدا هەبێت و کەشی سیاسیی و یاسایی بۆ بڕەخسێنرێت، لەپێناو چارەسەری ئەو ململانێیانەی کە مرۆڤی تیادا دەبێتە قوربانیی".
عومەر ئۆجەلان، وتوشییەتی"دەبێت مافی هەموان وەک و یەک و بە یەکسانی بدرێت ئەوەش لەڕێگەی هەبونی یاساوە دەبێت و جەختیشی کردوەتەوە لەوەی کوردی ئێستا کوردی بەر لە ١٠٠ ساڵ نییە و بەرگری لە خۆی دەکا".
لەبارەی پەیامەکەی عەبدوڵڵا ئۆجەلانەوە ڕایگەیاندوە، ئەو پەیامە ڤیدیۆییەی کە لە ١٥ی ئەم مانگەدا ئۆجەلان بڵاوی دەکاتەوە، بۆ چارەسەریی دیموکراسییە و کاریگەریی تەنها لەسەر کورد نابێت، بەڵکو کاریگەرییەکەی لەسەر تەواوی ڕۆژهەڵاتی ناوەڕاست دەبێت..