تورکیا و گروپە چەکدارەکانی مەودای تۆپبارانەکانیان لەسەر لادێکانی تەل تەمر فراوانتر کرد، بۆ ئەوەی لادێکانی ڕۆژئاواش بگرێتەوە.
ئاژانسی (هاوار نیوز)، ئەمشەو یەکشەممە بڵاویکردەوە" سوپای تورکیا و گروپە چەکدارەکانی مەودای تۆپبارانەکانیان بۆ سەر شاری تەل تەمر فراوانتر کردووە، بۆ ئەوەی گوندی ئوم ئەلخەیر لە لادێی ڕۆژئاوای شارەکە بگرێتەوە".
ئاماژەی بەوەشکردووە، کەمێک پێش ئێستاش تورکیا بە چەکی قورس و تۆپخانە گوندی ئەلدەردەرە لە لادێکانی باکوری شاری تەل تەمر کردبووە ئامانج.
هیچ زانیارییەکی زیاتر سەبارەت بەو زیانانەی کە لە ئەنجامی بۆردومانەکەدا بەر ئەو گوندانە کەوتووە، نەخراوەتەڕوو.