کەشناسی هەرێم کەشی پێشبینیکراوی ٤٨ کاتژمێری داهاتووی بڵاوکردەوەو جەختی لەوە کردەوە کە نمە باران و بەفر لە ناوچە شاخاوییەکان دەبارێت و پلەکانی گەرما نزم دەبنەوە.
بە گوێرەی پێشبینییەکانی کەشناسی هەرێم ئەمڕۆ دووشەممە ١٧ی شوباتی ٢٠٢٥ کەشی ئاسمان نیمچە هەور وە لەناوچە شاخاوویەکانی سنووری رۆژهەلات هەوری تەواو دەبێت لەگەل کەمێک نمە باران و بەفر لەم ناوچانە پاشان بۆ کاتەکانی دوایی نیوەرۆ کەش بەگشتی سەقامگیر دەبێتەوە.
ئاماژەی بەوەشداوە کە پلەکانی گەرما کەمێک نزم دەبێتەوە (١-٣) پلە بەتایبەتی لە ناوچەکانی رۆژهەڵاتی هەرێم بەراوورد بە تۆمارکراوەکانی دوێنێ .
کەشناسی ئاشکراشی کردووە کە سبەی سێ شەممە کەشی ئاسمان ساماڵ دەبێت لەکاتەکانی شەو بۆ نیمچە هەور دەگۆڕێت و پلەکانی گەرما نزیک دەبێتەوە بەراوورد بە تۆمارکراوەکانی ئەمرۆ .
بەرزترین پلەکانی گەرمای پێشبینیکراو بە پلەی سیلیزی :
هەولێر: ١٨ پلەی سیلیزی
سلێمانی: ١٤ پلەی سیلیزی
دهۆک: ١٦ پلەی سیلیزی
کەرکوک: ١٩ پلەی سیلیزی
زاخۆ: ١٧پلەی سیلیزی
هەڵەبجە : ١٥ پلەی سیلیزی
حاجی ئۆمەران: ١ پلەی سیلیزی
سۆران: ١٣ پلەی سیلیزی
گەرمیان: ١٨ پلەی سیلیزی