زیاتر لە ٥٠ پەرلەمانتاری فراکسیۆنە جیاوازەکانی عێراق داوای دانیشتنی نائاسایی پەرلەمان دەکەن لە بارەی پرسی زەوییە کشتوکاڵییەکانی کەرکوک.
٥٢ پەرلەمانتاری فراکسیۆنە جیاوازەکانی پەرلەمانی عێراق، لەیاداشتێکدا کە ئاراستەی سەرۆکایەتی پەرلەمانیان کردوە داوای دانیشتنی نائاسایی پەرلەمانیان کردوە، لەبارەی پرسی زەوییە کشتوکاڵییەکانی جوتیارانی کەرکوک و ئەو گرژییانەی لە ماوەی رابردودا لەسەر ئەو دۆسیەیە رویداوە.
ئەو پەرلەمانتارانە داوایان کردوە هەرچی زووە دانیشتنی پەرلەمان لەبارەی گرفتەکانی جووتیارانی کوردی کەرکوک و دەستدرێژییەکانی سوپای عێراق بۆسەر جوتیاران ئەنجام بدرێت و تێیدا بەچڕی تاوتوێی ئەو پرسانە بکرێت...