هادی حەمە ڕەشید یەکێك لە وتەبێژەکانی مامۆستایان و فەرمانبەرانی نارازی ئەمڕۆ پێنجشەممە ٢٠ی شوبات لە پەیامێکدا بڵاویکردەوە، بڕیارە هەفتەی داهاتو مامۆستایان و فەرمانبەرانی نارازی لە ڕێگەی خۆپیشاندان ڕێگای هێڵە بازرگانییەکانی دوو پارتی دەسەڵاتداری هەرێم بگرن.

لە بەشێکی دیکە پەیامەکەشیدا هادی حەمەڕەشید داوا لە هاوڵاتیان دەکات بۆ ئەو مەبەستە پشتیوانی لە مامۆستایان و فەرمانبەرانی نارازی بکەن.

هادی حەمە ڕەشید دەشڵێت" سەردەم سەردەمی ڕێگای بازرگانیی و خۆبەهێزکردنی دەسەڵاتەکانە بەو هێڵانەوە، پێویستە بەبێ خوێنڕشتن بەردی بناغەی کاریگەرترین خەبات دابنێین".