ئەمڕۆ دووشەممە بەڕێوەبەرایەتی گشتی کەشناسی و بوومەلەرزەی هەرێم ڕەوشی کەشوهەوای بڵاوکردەوە و دەڵێت" سبەینێ ئاسمان ساماڵ و پەڵە هەور و سارد دەبێت، لەگەڵ دروستبوونى تەم لە بەشێک لە ناوچە شاخاوییەکان".
بەپێی پێشبینییەکانی کەشناسی هەرێم، ئەمڕۆ بەگشتی ئاسمان لە نێوان ساماڵ و نیمچە هەور دەبێت، لەگەل ئەگەری دابارینی برێکی کەم لە بەفر لە ناوچە شاخاوییەکانی سنووری رۆژهەڵات و دەڤەری باڵەکایەتی پاشان لە کاتەکانی ئێوارە ئاسمان بەرەو ساماڵ دەگۆڕێت لەگەل دروستبوونى شەختە لە زۆربەی ناوچەکاندا، هاوکات پلەکانی گەرما نزمدەبنەوە بەراورد بە تۆمارکراوەکانی دوێنێ، خێرای باش (١٠ - ٢٠)کم دەبێت، مەودای بینین (٨ - ١٠)کم دەبێت.
ئەوەشی خستەڕوو، سبەینێ سێشەممە ئاسمان ساماڵ و پەڵە هەور و سارد دەبێت، لەگەڵ دروستبوونى تەم لە بەشێک لە ناوچە شاخاوییەکان، هەروەها شەختە لە کاتەکانى بەیانیدا، پلەکانی گەرما (١ تا ٢) پلە دادەبەزن بەراورد بە تۆمارکراوەکانی ئەمڕۆ و خێرای باش (٥ - ١٠)کم دەبێت، مەودای بینین (٤ - ٦)کم دەبێت، پاشان زیاد دەبێت بۆ (٧ - ٩)کم.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٧
سلێمانی: ٤
دهۆک: ٤
زاخۆ: ٤
هەڵەبجە: ٣
کەرکوک: ٧
حاجی ئۆمەران: ٧
سۆران: ١
گەرمیان: ١٠