هێزەکانی سوریای دیموکراتیک(هەسەدە) ئەمڕۆ چوارشەممە ٢٦ی شوبات لە ڕاگەیەنراوێکدا بڵاویان کردەوە" بەهۆی هێرشێکی فرۆکە جەنگیەکانی تورکیای داگیرکارەوە، ١٢ کەسی سەربازی و مەدەنی شەهید بوون لە بیابانی "روەیشد"، لە ناوچەی "ئەلشەدادی"، باشووری ئەلحەسەکە".
ئەوەش لە کاتێکدایە لە سەرەتای دەستپێکردنی ئاڵوگورییەکان لە سوریا و رووخانی دەسەڵاتی بەشار ئەسەد هێزە چەکدارەکانی سەر بە تورکیا بەردوام هێرش دەکەنە سەر ناوچەکانی ژێر دەسەڵاتی کورد بە تایبەت دوروبەری بەنداوی تشرین و هاوکات هێزی ئاسمانی تورکیا لە رێگەی هێرشی ئاسمانی و توپخانەوە ناوچە کوردییەکان دەکاتە ئامانج.