وەزارەتی نەوتی عێراق رایدەگەیێنێت، لە چەند کاژێری داهاتوودا دەستپێکردنەوەی هەناردەی نەوتی کوردستان رادەگەیێنن.
وەزارەتەکە لە راگەیێندراوێکدا دەڵێت: "حەیان عەبدولغەنی، جێگری سەرۆکوەزیران بۆ کاروباری وزە و وەزیری نەوت سەردانی بەندەری خۆر زوبێر دەکات بۆ سەرپەرشتیکردنی پرۆسەی بەستنەوەی بۆڕی گاز و دڵنیایی دەدات کە عێراق لە کاژێرەکانی داهاتوودا دەستپێکردنی هەناردەکردنی نەوتی هەرێم رادەگەیەنێت."
دەشڵێت"هەناردەکردنەکە لە رێگەی کۆمپانیای بازاڕکردنی نەوت (سۆمۆ)وە و لە رێگەی بەندەری جەیهانی تورکیاوە دەبێت".
ئاماژە بەوەش دەکات کە "سەرەتا ١٨٥ هەزار بەرمیل هەناردە دەکرێت و وردە وردە بەرز دەبێتەوە بۆ گەیشتن بە توانای دیاریکراو لە بودجەی گشتی فیدراڵیدا."