رۆژی چوارشەممەی ئەم هەفتەیە لە سەرجەم دام و دەزگا فەرمییەکانی حکومەتی هەرێم پشووی رەسمی دەبێت.
فەرمانگەی میدیا و زانیاری سەر بە حکومەتی هەرێمی کوردستان، ئێوارەی ئەمڕۆ یەکشەممە ٢ی ئازاری ٢٠٢٥ رایگەیاند" بەبۆنەی هەڵگیرسانی راپەڕینە مەزنەکەی گەلی کوردستانەوە، رۆژی چوارشەممە ٥ی ئازاری ٢٠٢٥ لە سەرجەم دام و دەزگا رەسمییەکانی حکومەتی هەرێم پشووی رەسمی دەبێت".
ئاماژەی بەوەشکردووە، رۆژی پێنجشەممە ٦ی ئازار دەوامی فەرمی دەستپێدەکاتەوە.