ئەمڕۆ چوارشەممە، ئەنجومەنی باڵای کۆمەڵی دادگەری پەیامێکی لە ساڵیادی ڕاپەڕیندا بڵاوکردەوە و داوا لە دەسەڵاتدارانی هەرێمی کوردستان دەکات " بەرلەوەی باهۆزی توڕەیی خەڵك هەڵبكات، پێش ئەوەی كار لە كار بترازێ، دەست لە بەرژەوەندیی شەخسی و حزبی هەڵبگرن و ئاوڕێك لەو میللەتە بدەنەوە كە زۆری قبوڵكردووە و پچڕانی پەتی تەحەمولی كەمی ماوە".
ڕاشیگەیاند، مایەی سەرسامییە كە دەسەڵاتدارانی هەرێمی كوردستان عیبرەت لە ڕووخانی بەعس و ڕژێمە دیكتاتۆرەكانی دیكەی ناوچەكە وەرنەگرن و بەردەوام بن لە گوێنەگرتن و برسیكردن و تاڵانكردنی سامانی گشتیی ئەم هەرێمە .
لە پەیامەکەی ئەنجومەنی باڵای کۆمەڵی دادگەریدا هاتووە" هۆشداری دەدەینە دەسەڵاتداران كە بە ئاگا بێنەوە و.. بەرلەوەی باهۆزی توڕەیی خەڵك هەڵبكات، پێش ئەوەی كار لە كار بترازێ و دەرفەتی گەڕانەوە و خۆچاككردنتان لەدەست بچێت، دەست لە بەرژەوەندیی شەخسی و حزبی هەڵبگرن و ئاوڕێك لەو میللەتە بدەنەوە كە زۆری قبوڵكردووە و پچڕانی پەتی تەحەمولی كەمی ماوە".
دەقی پەیامەکە:
بسم الله الرحمن الرحیم
وسكنتم فی مساكن الژین ڤلموا أنفسهم وتبین لكم كیف فعلنا بهم وچربنا لكم اڵامپالهاووڵاتییانی بەڕێز
٣٤ ساڵ بەرلە ئێستا و لە ئەنجامی كەڵەكەبوونی ستەم و سەركوتكاری و چەوساندنەوەی دەیان ساڵەی گەلەكەمان لەلایەن ڕژێمی ڕووخاوی بەعسەوە، خەڵكی كوردستان ڕاپەڕی و كۆتایی بە ژێردەستەیی هێنا و بڕیاری دەستپێكی سەردەمێكی نوێی دا كە لە سایەیدا بحەسێتەوە .
دوای تێپەڕبوونی سێ دەیە لە ڕاپەڕین، ئێستا خەڵكی كوردستان لەوپەڕی ماندوێتی و بێهیواییدایە، گەندەڵی و بێباكیی دەسەڵاتدارەكانی كارێكی كردووە، بۆ دەربازبوون لەم بارودۆخە پڕ قەیران و ستەمكارییە، بیر لە هەمووڕێگایەك بكاتەوە.
مایەی سەرسامییە كە دەسەڵاتدارانی هەرێمی كوردستان عیبرەت لە ڕووخانی بەعس و ڕژێمە دیكتاتۆرەكانی دیكەی ناوچەكە وەرنەگرن و بەردەوام بن لە گوێنەگرتن و برسیكردن و تاڵانكردنی سامانی گشتیی ئەم هەرێمە .
تاكە ڕێگەیەك كە لەبەردەم ئێمەمانان و خەڵكیشدا مابوو بۆ گۆڕانكاری، هەڵبژاردن و سندوقەكانی دەنگدان بوو، كە بینیمان چۆن لە دوایین هەڵبژاردندا بەو دیزاینە پێشوەختە و ئەو ساختەكارییەی بۆ هێزە دەسەڵاتدارەكان و هەندێ كەسی دیكە كرا، چۆن ئەو ڕێگەیەش لەبار برا و ئەو هیوایەی بە هەڵبژاردن و دەنگدان هەبوو، چۆن لەناو برا .
ئێمە لە كۆمەڵی دادگەریی كوردستان، لە ساڵیادی ڕاپەڕیندا، هۆشداری دەدەینە دەسەڵاتداران كە بە ئاگا بێنەوە و تەماشایەكی دەوروبەری خۆیان بكەن و بزانن كە گۆڕانكارییەكانی ناوچەكە زۆر خێرا و چاوەڕواننەكراون، پشتیوانیی بێگانەش نەیتوانیوە تا سەر هیچ كەس و لایەنێك لە دەسەڵات بهێڵێتەوە !
تكایە بەرلەوەی باهۆزی توڕەیی خەڵك هەڵبكات، پێش ئەوەی كار لە كار بترازێ و دەرفەتی گەڕانەوە و خۆچاككردنتان لەدەست بچێت، دەست لە بەرژەوەندیی شەخسی و حزبی هەڵبگرن و ئاوڕێك لەو میللەتە بدەنەوە كە زۆری قبوڵكردووە و پچڕانی پەتی تەحەمولی كەمی ماوە .
جارێكی دیكە پیرۆزبایی ساڵیادی ڕاپەڕینە مەزنەكەی بەهاری 1991 لە خانەوادەی شەهیدان و كەمئەندامان و زیانلێكەوتووانی دەستی ڕژێم و تەواوی خەڵكی كوردستان دەكەین.
كۆمەڵی دادگەریی كوردستان
ئەنجومەنی باڵا
5 ی ئازاری 2025