پارەی مووچەی مانگی ئازاری فەرمانبەران و مووچەخۆران خرایە سەر هەژماری بانکی وەزارەتی دارایی و ئابووری هەرێم و دەست بە دابەشکردنی مووچە دەکرێت.
ئامانج ڕەحیم، سکرتێری ئەنجومەنی وەزیرانی هەرێمی کوردستان ڕایگەیاند، بەغداد ٩٥٤ ملیار و ٨٨٠ ملیۆن دیناری مووچەی مانگی ئازاری خستە سەر هەژماری وەزارەتی دارایی.
هەروەها دوێنێ وەزارەتی دارایی و ئابووری ڕایگەیاند، ڕێکارەکانی ناردنی تەموویلی مووچەی مانگی ئادار تەواو کراوە، کە بڕەکەی ٩٥٤ ملیار و ٨٨٠ ملیۆن و ٤٦٧بهەزار و ٧٧٩ دینارە بۆ مووچەی مانگی ٣ـی مووچەخۆران و فەرمانبەران و خانەنشینانی هەرێمی کوردستان.