ئەمڕۆ پێنجشەممە ٢٧ی ئازار ، ئەقید هێمن ئەمین، وتەبێژی هاتووچۆی هەولێر ڕایگەیاند" بڕیار درا بە قەدەغەی هاتووچۆی ئۆتۆمبێلی بارهەڵگری گەورە و هەموو جۆرەکانی ماتۆڕسکیل، لە هەرسێ ڕۆژی جەژن لە کاتژمێر ٧ سەر لەبەیانی تاکوو ١٢ی شەو".
وتەبێژی هاتووچۆی هەولێر ئاماژەی بەوەشداوە" کارمەندەکانمان جووڵەی هاتووچۆ کۆنترۆڵ دەکەن، لە پێناو ڕێکخستنی هاتووچۆ و ڕوونەدانی جەنجاڵی و بەرژەوەندیی گشتیی".
هۆکاری ئەم ڕێکارەیانەش بۆ دەگەڕێنێتەوە، بەهۆکاری ئەوەی ئەمساڵ جەژنی نەورۆز کەوتە نێو مانگی ڕەمەزان و پێشبینیش دەکرێت لە جەژنی ڕەمەزان خەڵکێکی زۆر گەشت و سەیران بکەن، بۆیە کارمەندەکانی هاتووچۆی هەولێر لەو شوێنانە دەبێت کە هاتووچۆیان لەسەرە.