کۆمسیۆنی هەڵبژاردنەکان ڕۆژی سێشەممەی داهاتووە دەرگا دەکاتەوە بۆ تۆمارکردنی هاوپەیمانی و لایەنە سیاسییەکان کە خوازیاری بەشداریکردن لە هەڵبژاردنی پەرلەمانی عێراق دەکەن.
بەگوێرەی بەڵگەنامەیەک کە لەلایەن کۆمسیۆنەوە دەرچووە لە ١٥ی نیسانەوە ناو تۆمارکردن بۆ هاوپەیمانی و حزب و لیستە تاکەکەسییەکان دەکرێتەوە کە ئارەزووی بەشداریکردنیان لە هەڵبژاردنی پەرلەمانی عێراق هەیە.
نوسراوەکەی کۆمسیۆن دوینێ چوارشەممە دەرچووە و ئاراستەی دامەزراوەی کاروباری حیزب و ڕیکخراوە سیاسییەکان کراوە و ئاشکرای کردوە لە ڕۆژی ١٥ی نیسانەوە تۆمارکردنی قەوارەکان دەستپێبکات و تا ڕۆژی چواری مانگی داهاتو بەردەوام بێت.
هەڵبژاردنی ئەنجومەنی نوێنەرانی عێراق بڕیارە لە ڕۆژی ١١ی تشرینی دووەمی ئەمساڵ بەڕێوەبچێت، لە ئێستاوە کۆمسیۆن دەستی کردوە بە نویکردنەوەی تۆامری دەنگدەران.