پەرلەمانتارێکی دەمپارتی، کۆبونەوەی شاندی ئیمراڵیی لەگەڵ سەرۆکی تورکیا بە ئەرێنی ناو دەبات، دەشڵێت"بڕیارە هەنگاوەکان بۆ ئەو پڕۆسەیە لە نزیکترین ماوەدا بکرێنە ڕاستی".
پەروین بوڵدان، پەرلەمانتاری پارتی یەکسانی و دیموکراسی گەلان - دەمپارتی، لە بەرنامەیەکی تەلەفیزیۆنیدا، کۆبونەوەکەی شاندی ئیمراڵیی لەگەڵ ڕەجەب تەییب ئەردۆغان، سەرۆک کۆماری تورکیا بە قۆناغێکی نوێ بۆ پرۆسەی چارەسەری ناوبرد.
ئاشکراشی کرد": لە کۆبونەوەکەدا، گفتوگۆیان لەبارەی هەنگاوەکان بۆ بەڕێوەچونی پڕۆسەی ئاشتی و دانانی ڕێگەچارەیەک کردوە بۆ چارەنوسی ئەو زیندانییانەی لێبوردن نایانگرێتەوە ".
پەرلەمانتارەکەی دەمپارتی، جەختیشی لە ڕۆڵی پەرلەمانی تورکیا کردوەتەوە بۆ سەرخستنی پڕۆسەکە و بەرەوپێشبردنی بە جێبەجێکردنی هەنگاوی یاسایی..
ئاشکراشی کرد، بڕیارە هەفتەی داهاتو، لەگەڵ یڵماز تونچ وەزیری دادی تورکیا کۆببنەوە بۆ تاوتوێکردنی هەنگاوە یاساییەکانی پڕۆسەکە...